Evaluacion di eleccion di e miembronan Hulandes di Parlamento Europeo

E obligacion di identificacion den e municipionan cu a participa na e experimento di vota den cualke local di vota (353 municipio) no a conduci na problema digno di mencion. E acceptacion di e obligacion di identificacion bou di e electornan ta considerabel: 83 porshento ta hay’e bon, contra 6 porshento cu ta hay’e malo. Di e personanan cu derecho di voto 87 porshento tabata sa cu nan mester a identifica nan mes ora di vota cu un carnet di voto.

Esaki ta resultado di e evaluacion di eleccion di e miembronan Hulandes di Parlamento Europeo cu Secretario di Estado Bijleveld a manda awe pa Tweede Kamer na nomber di Gabinete.

For di investigacion bou di e presidentenan di centro electoral ta bini padilanti cu un cantidad limita di elector a presenta na e centronan electoral sin documento di identidad valido: pa 1.000 elector esaki tabata 2,5 elector promedio. Esaki no ta nifica cu e electornan aki no a emiti nan voto. Den algun caso e elector a vota toch, despues di a bay busca un documento di identidad na cas. Den algun otro caso e electornan a podera un persona ey mes.

Di e evaluacion a sali na cla cu e municipionan y e miembronan di centro electoral a pasa trabou cu contamento na man. Contamento di e votonan a dura un 90 minuut promedio. Gabinete tin comprension pa e echo cu e municipionan y e miembronan di centro electoral mester custumbra atrobe cu e proceso ey.

NVVB (Asociacion Hulandes di Asuntu Civil), VNG (Asociacion di Municipio Hulandes) y Conseho Electoral a boga despues di eleccion pa ceramento mas trempan di e centronan electoral, pa baha e peso di trabou di e miembronan di centro electoral. E alcaldenan di e cuatro ciudadnan mas grandi a  pronuncia nan mes contra ceramento mas trempan. Nan ta di opinion cu medida organisatorio por limita retraso pa motibo di contamento na man.

Gabinete a pone e diferente argumentonan den balansa y a yega na e conclusion cu mester ofrece e elector oportunidad pa emiti su voto mas tanto posibel y, pues, pa no torno na e oranan di apertura di e centronan electoral. Door di organisa contamento di voto na un forma mas eficiente, esey por sosode mas rapidamente.