Minister Leers

Datonan Personal

Nomber dilanti (nomber di cariño): Gerardus Bernardus Maria (Gerd)
Lugar y fecha di nacemento: Kerkrade, 12 di juli 1951
Residencia: Maastricht
Estado civil: casa, 3 yiu

Educacion

1969: HBS-a na Roermond
1969-1975: planologia y economia di espacio na Katholieke Universiteit Nijmegen

Carera

Gerd Leers a cuminsa su carera na 1976 como colaborador cientifico di Economisch Technologisch Instituut voor Noord-Brabant (ETIN). Despues el a traha na Polyzathe/Pakhoed Rotterdam di 1980 te 1981 como manager regional di investigacion di mercado. Di 1981 te 1985 e tabata colaborador di maneho riba tereno di asuntonan socio-economico pa provincie Noord-Brabant.

Na 1985 el a bira secretario di Brabantse Ontwikkelingsmaatschappij (BOM), di cual e tabata director interino di 1988 te 1989. Na 1989 el a funda Nelthoven SocCon Sovjet Consultants BV, di cual e tabata director te cuminsamento di 1991. Di 1982 te 1990 el a fungi como presidente di fraccion den gemeenteraad di gemeente Goirle na Noord-Brabant.

Dia 4 di september 1990 Gerd Leers a bira Miembro di Tweede Kamer pa CDA. Despues e tabata burgemeester di Maastricht di februari 2002 te maart 2010. Te na su nombramento como minister den gabinete Rutte, Leers tabata empresario den sector priva y, entre otro, asocia na 'Sprekersbureau' Assemblee di Maastricht, cu ta un oficina caminda por contrata oradornan profesional riba diferente tereno.

Dia 14 di oktober 2010 a nombra drs. G.B.M. Leers Minister di Inmigracion y Asilo den gabinete Rutte.

Funcionnan den su partido politico y funcionnan secundario

Gerd Leers a ocupa gran cantidad di funcion. E tabata, entre otro,

• Miembro di directiva diario di CDA region di Noord-Brabant (1978-1982) 
• Presidente di KATINS, cu ta un Fundacion pa alohamento di yiunan di nabegantenan y yiunan di trahadornan di feria 
• Vicepresidente di Stichting Natuurpark Efteling (for di 2007) 
• Embahador di Vereniging Nederlands Cultuurlandschap
• Presidente di NPS (for di 2008) 
• Presidente di comision di investigacion di fraude cu diploma na Hogeschool InHolland (2010)