Mantencion di lei

Dia 24 di september 2003 e Ministronan Hulandes Donner di Husticia y De Graaf di Asunto Interno y Relacion den Reino, como tambe e Ministro di Husticia di Aruba Croes a firma un declaracion conhunto tocante elaboracion di un programa di Mantencion di Lei, como parti di e relacion di cooperacion entre Aruba y Hulanda.

E programa di cooperacion  tin como meta fortalecemento di calidad di e institutonan di mantencion di lei, mehoramento di e cooperacion entre e institutonan entre nan y cu instituto den y pafo di Reino, y introduccion di e reglamentacion necesario. Tur esaki cu mira riba combatimento di criminalidad organisa cu ta crusa frontera y terorismo internacional. Actualmente ta trahando riba desaroyamento di e programa aki.